रसियामा जारी २१ औं संस्करणको फिफा विश्वकप फुटबलको पहिलो नकआउट चरणको खेलमा अर्जेन्टिना र फ्रान्सले पहिलो हाफसम्म १-१ गोलको बराबरी खेलेका छन्।
फ्रान्सले खेलको १३औं मिनेटमा पेनाल्टीमार्पत अग्रता लिएको थियो। तर खेलको ४१औं मिनेटमा डि मारियाले उत्कृष्ट गोल गरेपछि अर्जेन्टिना खेलमा फर्कियो।
एभर वेनेगाले उपलब्ध गराएको पासमा उनले ३० यार्ड टाढाबाट बायाँ खुट्टाले शशक्त प्रहार गर्दै डीमारियाले गोल गरेका थिए।
रूसको कजान रंगशालमा खेलको १३ औ मिनेटमा एन्टोनी ग्रिजम्यानले पेनाल्टीमार्फत फ्रान्सलाई अग्रता दिलाएका थिए। केलियन एमबाप्पेलाई डिबक्समा लडाएपछि फ्रान्सेले पेनाल्टी पाएको थियो।
नकआउट चरणको पहिलो खेलमै भिड्न लागेका फ्रान्स र अर्जेन्टिना दुवै टोली आज जित निकाल्दै क्वाटरफाइनलमा प्रवेश गर्न चाहन्छन्।