विश्वकप फुटबल अन्तर्गत मेक्सिकोविरुद्धको खेलमा स्विडेनले ३–० को अग्रता लिएको छ।
समुह ‘एफ’ अन्तर्गत समूह चरणको निर्णायक खेलमा स्विडेनले अग्रता लिएको हो।
पहिलो हाफसम्म गोलरहित बराबरी खेलेको स्विडेनले खेलको ५० औं मिनेटमा अगुस्टिनसनले गोल गर्दै खेलमा अग्रता दिलाएका थिए।
त्यसपछि ६२ औ मिनेटमा स्विडेनका कप्तान आन्द्रेयास ग्रानभिस्टले पेनाल्टीमार्फत गोल गर्दै टोलीलाई २–० को अग्रता दिलाए।
खेलको ७०औं मिनेटमा अल्भारेजले गोल गर्दै स्विडेनको अग्रता तेब्बर भएको हो।
अघिल्लो चरण पुग्न मेक्सिकोलाई बराबरीनै पर्याप्त भए पनि स्विडेनलाई जित्नैपर्ने दबाब छ।
२ खेलबाट ६ अंक भएको मेक्सिको तालिकाको शीर्ष स्थानमा छ। स्विडेन ३ अंक सहित तालिकाको तेस्रो स्थानमा छ। आजै भइरहेको अर्को खेलमा कोरियासँग बराबरमात्र भए पनि डिफेन्डिङ च्याम्पियन जर्मनी समूह चरणबाट घर फर्केनेछ।
