एक जित र एक बराबरीसहित विश्वकपको नकआउट चरणमा प्रवेश गरेको अर्जेन्टिनाले पहिलो खेल फ्रान्ससँग खेल्ने भएको छ।
रसियामा जारी विश्वकप फुटबलको उपाधि दाबेदार मानिएको अर्जेन्टिनाले नकआउट चरणको पहिलो खेल उपाधिको अर्को दाबेदार फ्रान्ससँग शनिबार खेल्नुपर्नेछ।
समूह डीको उपविजेताको रूपमा अन्तिम १६ मा प्रवेश गरेको अर्जेन्टिनाले समूह सीको विजेता फ्रान्ससँग प्रतिस्पर्धा गर्न लागेको हो।
अन्तिम खेलमा बुधबार बिहान नाईजेरियालाई २-१ ले हराउँदै अर्जेन्टिनाले प्रि क्वार्टरफाईनलमा स्थान पक्का गरेको हो।
उसले समुह चरणमा एकमा जित, एक हार र एकमा बराबरीको नतिजा निकालेको थियो। समुह सीको विजेता फ्रान्स अपराजित रहँदै अन्तिम १६ मा प्रवेश गरेको हो। फ्रान्सले २ जित र एक बराबरी खेलेको हो। मंगलबार राति डेनमार्कसँग गोलरहित बराबरी खेल्दै ७ अंकसहित समूह विजेता भएको हो।
यस्तै जुलाई एकमा हुने अर्को खेलमा समूह डीको विजेता क्रोएसियाले समूह सीको उपविजेता डेनमार्कसँग प्रतिस्पर्धा गर्ने भएको छ।
समूह चरणमा शतप्रतिशत नतिजा निकालेको क्रोएसियाले क्वार्टरफाईनल प्रवेशका लागि डेनमार्कसँग प्रतिस्पर्धा गर्ने तय भएको हो।
मंगलबार राति भएको खेलमा फ्रान्ससँग गोलरहित बराबरी खेलेको डेनमार्क समूहको उपविजेताका रूपमा अन्तिम १६ मा प्रवेश गरेको हो।