रसियामा जारी विश्वकप फुटबलमा ४ गोल गरेर गोल्डेन बुटको दाबेदारका रूपमा उभ्याएका रोनाल्डोसँग बेल्जियमका रोमेलु लुकाकुले बराबारी गर्दै गोल्डेन बुटको दाबेदारीमा आफूलाई प्रस्तुत गरेका छन्।
आज शनिबार ट्यूनिशियाविरूद्ध भएको खेलमा लुकाकुले २ गोल गरेपछि उनले पोर्चुगिज क्रिस्टियानो रोनाल्डोसँग गोलको बराबरी गरेका हुन्।
लुकाकुले यसअघि पानामा विरूद्धको खेलमा दुई गोल गरेका थिए।
त्यस्तै समूह चरणको पहिलो खेलमा आफ्नो युरोपेली प्रतिस्पर्धी स्पेनविरूद्ध यस विश्वकपको पहिलो ह्याट्रिक दर्ता गराएका रोनाल्डोले मोरोक्को विरूद्ध पनि एक गोल गर्दै आफ्नो गोल संख्या ४ पुर्याएर सर्वाधिक गोलकर्ताको दौडमा अगाडी रहेका थिए।
अब सो दौडमा उनीसँग लुकाकु थपिएका छन्।
यसैगरी उनीहरु दुबै जनालाई समान ३-३ गोलका साथ रुसका डेनिस चेरिसेव र स्पेनका डिएगो कोस्टाले पछ्याई रहेका छन् ।
स्टारहरूका लागि गोलको खडेरी भइरहेको बेलामा लुकाकु यस किसिमको प्रदर्शनले विश्वकपमा लुकाकुको गोलको संख्या कति हुनेछ भन्ने चासोसँगै उनको चर्चासमेत बढिरहेको छ।
-1746009348.jpg)
