जारी विश्वकप फुटबलको समूह 'ए'को अहिले भइरहेको खेलमा दक्षिण अमेरिकी राष्ट्र उरूग्वेले एसियाली राष्ट्र साउदी अरेवियामाथी १-० को अग्रता कायम गरेको छ।
खेलको २३ औं मिनेटमा उरूग्वेका स्टार स्ट्राइकर लुइs स्वारेजले टिमका लागि पहिलो गोल गरेका हुन्। ११ वर्षको फुटबल करियरमा उरूग्वेका लागि स्वारेजको यो सयौं खेल हो। साउदी विरूद्धको गोलले उनको सयौं म्याच विशेष भएको छ।
आजको खेल जितेमा यस समूहबाट आयोजक रसियासँगै दुई पटकको विश्वविजेता उरूग्वे अन्तिम १६ मा प्रवेश गर्नेछ भने इजिप्ट र साउदीको विश्वकप यात्रा समूह चरणमा सिमित हुँदै सकिनेछ।
अघिल्लो खेलमा उरुग्वेले इजिप्टसँग १-० को जित हात पारेको थियो भने साउदी अरेबियाले आयोजक रुससँग पाँच गोल खाएको थियो।
-1746009348.jpg)
