रसियामा विश्वकप फुटबल चलिरहेको छ। विश्वकप फुटबल खेलमा चीन भने सहभागि छैन। तर अफसाइडमा भने रसियामा चीनकै व्यापार चलिरहेको छ।
चीनले रसियामा रहेका फुटबल फ्यानको खातिरदारीका लागि १० लाख प्राउन पठाएको छ।
चीनको अलिबाबा कम्पनीको डिजिटल पेमेन्ट ४ हजार वटा मर्चेन्टलाई आफ्नो नेटवर्कमा समेटेको छ। विश्वकप हेर्न साठी हजार चिनिँया नागरिक रसिया पुगेका छन्। सबवे देखि एयरपोर्टको ड्युटी फ्रीसम्म अलि मार्फत् भुक्तानी गर्न मिल्ने बनाएको हो।
चीनको वाङ्गदोङ राज्यमा रहेको वागन कम्पनीले विश्वकप ट्रफीको रेप्लिका निर्माणको अनुमति पाएको छ। विश्वभर ट्रफीको रेप्लिका चीनबाट निर्यात भैरहेको छ।
विश्वकपको मस्कट खेलौना बनाउने अनुमति समेत चिनियाँ कम्पनीले पाएको छ। चीनको हाङ्गजाओमा आधारिकत कम्पनीले यो मस्कट विश्वभर बेचिरहेको छ।
चिनियाँ कम्पनीहरुले विश्वभर विश्वकपलाई लक्षित गर्दै उत्पादन गरेका फुटबलहरु बेचिरहेका छन्। चीनको हेइमन राज्यमा बिक्रीका लागि राखिएको फुटबल देखाउँदै एक कामदार।
विश्वकपमा यसपटक सबैभन्दा धेरै प्रायोजन चिनियाँ कम्पनीहरुले गरेका छन्। अघिल्लो विश्वकपमा एउटा मात्र प्रायोजक चिनिँया रहेको थियो। यसपटक चीनका ८ कम्पनीले १२ रंगशालामा आफ्नो उत्पादनको विज्ञापन गरिरहेका छन्। यसपटक चीनले ८३५ मिलियन डलर विश्वकपको विज्ञापनमा मात्र खर्च गरेको छ। यो खर्च अमेरिकाको ४ सय मिलियन डलरको दोब्बर हो। जबकी आयोजक रसियाले मात्र ६४ मिलियन डलर मात्र विज्ञापनमा खर्च गरेको छ।
स्रोच : चाइना डेल्ली