आयोजक रसिया २१औं संस्करणको विश्वकप फुटबल प्रतियोगितामा नकआउट चरण नजिक पुगेको छ। बुधबार बिहान सेन्ट पिटर्सबर्ग स्टेडियममा सम्पन्न समूह ‘ए’ को आफ्नो दोस्रो खेलमा रसियाले इजिप्टलाई ३–१ गोलअन्तरमा हराउँ उत्कृष्ट जितलाई निरन्तरता दिएको हो
विश्वकपको उद्घाटन खेलमा साउदी अरबलाई ५–० को फरक अन्तरले हराएको रसियाले बलियो मानिएको इजिप्टलाई पाखा लगायो।
रियल मड्रिडविरुद्ध च्याम्पियन्स लिगको फाइनलका क्रममा घाइते भएर मैदान बाहिर रहेका प्रमुख स्ट्राइकर मोहम्मद सलाले पुनरागमन गरेको खेलमा रसियामाथि हाबी भए पनि गोल गर्न नसक्दा इजिष्ट दुई खेलबाट जित बिहिन बनेको हो।
पहिलो हाफ गोलरहित बराबरी रोकेको इजिप्ट दोस्रो हाफको सुरुमै घरेलु टिमलाई अहमेद फाथीले आत्मघाती गोल उपहार दिएपछि पछि परेको थियो।
खेलको ५९ औं मिनेटमा डेनिस चेरिसेभले गोल गर्दै रसियाको अग्रता दोब्बर पारे।
दोस्रो गोल गरेको ३ मिनेट भित्रै रसियाका लागि एर्टेम ज्युबाले गोल गरेपछि रसिया ३–० ले अघि बढ्यो।
त्यसपछि इजिप्टले आक्रमण बढायो। खेलमा ५३ प्रतिशत हाबी भए पनि गोल गर्न सकेन। खेलको ७३ औँ मिनेटमा पाएको पेनाल्टीमा गोल गर्दै इजिप्टले पुनरागमनको संकेत गर्यो। तर बलियो रसियाली रक्षापंती कटाएर गोल गर्न नसक्दा ४८ वर्षपछि पहिलो पटक इजिप्ट रसियासँग पराजित हुन पुग्यो।
विश्व कपमा रुसले सन् १९७० मा (तत्कालीन सोभियत संघ) ले हराएयता दोस्रो पटक इजिप्टलाई हराएको हो नै पहिलो मौका हो।
यस्तै इजिप्टका मोहम्मद सालाहले गरेको पेनल्टी गोल २८ वर्षपछि इजिप्टले विश्वकपमा गरेको पहिलो गोल भयो। यसभन्दा अघि सन् १९९० मा नेदरल्यान्डविरुद्ध एक गोल गरेको थियो ।
यो जितपछि रसिया समूह ए मा ६ अंकसहित शीर्ष स्थानमा छ। एक खेलेको उरुग्वे ३ अंकसहित दोस्रो स्थानमा छ । रसियासँग हारेपछि इजिप्टको भने दोस्रो चरणको सम्भावना करिब करिब सकिएको छ।
हेर्नुहोस् तथ्याङ्कमा कस्तो प्रस्तुती कस्तो रह्यो
