जापानले कोलम्बियामाथि पुनः अग्रता लिएको छ। विश्वकप फुटबल अन्तर्गत मंगलबार साँझ भइरहेको आफ्नो पहिलो खेलमा बलियो प्रतिद्वन्द्वी कोलम्बियामाथि जापानले २-१ को अग्रता लिएको हो।
मध्यान्तरसम्म १-१ को बराबरी रहेको खेलमा ७३औं मिनेटमा ओसाकोले गोल गर्दै एसियाली राष्ट्रलाई अग्रता दिलाएका हुन्।
उनले हेडमार्फत गोल गरेका हुन्।
यसअघि खेलको छैटौं मिनेटमा १ - ० ले पछि परेको कोलम्बियाले ३९ औं मिनेटमा गोल गर्दै खेल बराबरीमा ल्याएको थियो। कोलम्बियाका लागि जुआन कुडार्डोले फ्रिकिकमा गोल गरेका हुन्। उनले गरेको गोललाई भिडियो रेफ्रीले गोल दिएका थिए। किपरले बल समातेर पोष्ट भित्र छिरेपछि भिडियो रेफ्रीको सहायता लिइएको हो।
यसअघि खेलको छैटौं मिनेटमा सिन्जी कागवाले पेनाल्टीमा गोल गरेका थिए। कोलम्बियाका कार्लोस सान्चेजले हातले बल रोकेपछि जापानलाई पेनाल्टी दिएको हो । जापानका लागि सिन्जी कागवाले गोल गरेका थिए।
रेफ्रीले सान्चेजलाई रातो कार्ड देखाएका छन् । कोलम्बिया १० खेलाडीमा सिमित भएको छ ।