खेलको पाँचौ मिनेटदेखि १० खेलाडीमा सिमित भएको कोलम्बियाले जापानबिरूद्ध बराबरी गोल फर्काएको छ।
खेलको ३९ औं मिनेटमा जुआन कुडार्डोले फ्रिकिकमा गोल गरेका हुन्।
गोल किपरले रोकेको बल गोल लाइन कटेपछि भिडियो रेफ्रीले कोलम्बियालाई गोल दिएका हुन्।
यो सँगै खेल बराबरीमा आएको छ।
यसअघि खेलको छैठौं मिनेटमा जापानका सिन्जी कागवाले पेनाल्टीमा गोल गरेका थिए।
कोलम्बियाका कार्लोस सान्चेजले हातले बल रोकेपछि जापानलाई पेनाल्टी पाएको थियो। रेफ्रीले सान्चेजलाई रातो कार्ड दिए पछि कोलम्बिया १० खेलाडीमा सिमित भएको छ।
