विश्वकपमा बेल्जियमले विजयी सुरूवात गरेको छ। समूह 'जी'को सोमबार सम्पन्न भएको खेलमा उसले पहिलोपटक विश्वकपमा छनौट भएको मध्य अमेरिकी देश पानामालाई ३-० ले हराएको हो।
पहिलो हाफमा दुबै टोलीले गोलरहित बराबरी खेेलेका थिए तर दोस्रो हाफको दोश्रो मिनेटमै मेर्टेन्सले गोल गरेपछि बेल्जियमले खेलमा अग्रता लिएको थियो। तत:पश्चात बेल्जियमका आर लुकाकुले लगातार दुई गोल गरेर बेल्जियमको जीत सुनिश्चित गरेका थिए। उनले खेलको ६९ औं र ७५ औं मिनेटमा टोलीका लागि गोल गरेका थिए।
खेलमा उनलाई म्यान अफ द म्याच घोषित गरिएको थियो।