गएराति अप्रत्यासित रूपमा आइसल्याण्डविरूद्धको पेनाल्टी मिस भएपछि अर्जेन्टिनी कप्तान लियोनेल मेसीले समर्थकलाई धैर्यता राख्न आग्रह गरेका छन् ।
शनिबार राति विश्वकपमा नवप्रवेशी आइसल्याण्डविरूद्ध मेसीले पेनाल्टी मिस गरेपछि विश्वकपको आफ्नो पहिलो खेलमा अर्जेन्टिना बराबरीमा रोकिँदै अंक बाढ्न बाध्य भयो।
समूह ‘डी’ अन्तर्गतको खेलमा अर्जेन्टिनाका लागि सर्जियो अग्यूरोले गोल गरे भने अल्फ्रेड फिन्बोगासनको आइसल्याण्डका लागि उत्कृष्ट गोल गर्दै खेल बराबरीमा ल्याएका थिए। तर खेल दौरान पाएको पेनाल्टी आइसल्याण्डका गोलकिपर थोर हालडोरर्सनले रोकेपछि अर्जेन्टिनासँग आइसल्याण्ड अंक खोस्न बाध्य भयो।
बराबरीमा खेल सकिएपछि अर्जेन्टिनी कप्तान मेसीले पेनाल्टी मिस हुनु दुखद् भएको प्रतिक्रिया दिएक छन्।
‘पेनाल्टी मिस हुनु दुःखद थियो, म यसको जिम्मेवारी लिन्छु,’ उनले समर्थकमाझ भने।
हामीले केही सुधार गर्नुपर्ने भन्दै मेसीले उत्तेजित हुन नहुने बताए। ‘हामीले अझ धेरै सुधार गर्नुपर्नेछ। अहिलेका लागि हामी शान्त हुन जरूरी हुन्छ,’ उनले भने।
क्लब फुटबलमा बार्सिलोनाबाट खेल्ने गरेका मेसीले पछिल्ला ७ पेनाल्टीमध्ये चार वटा मिस गरेका छन्।
मेसीका समकक्षी सर्जियो अग्युरोले मेस्सीको बचाउ गर्दै मेसीको साथमा उभिन आव्हान गरेको अन्तराष्ट्रिय सञ्चार माध्यमले जनाएक छन्।
‘मेस्सी आखिर मानिस नै हुन्, आज हामी उनको साथ उभिन जरूरी छ। उनले कुनै बेला खेललाई परिवर्तन गर्न सक्ने क्षमता राख्छन्,’ उनले भने।
-1746009348.jpg)
