आजदेखि रूसमा हुने २१औं संस्करणको फिफा विश्वकपका हरेक गतिविधहरू हाम्रो पात्रोमा पनि आउने भएको छ। हाम्रो पात्रोले नयाँ एप सार्वजनिक गर्दै प्रयोगकर्ताहरूका लागि रसियामा हुने प्रत्येक खेलका गतिविधि र अपडेटहरू उपलब्ध गराउने हाम्रोपात्रोले जनाएको छ।
यसअघिको विश्वकप २०१४ मा समेत अपडेट गरेको हाम्रो पात्रोले यसपटक थप परिस्कृत गर्खै बिहिबार एप्स सार्वजनिक गरेको हो।
‘नयाँ एप्लिकेशनले प्रयोगकर्ताको त्यो उत्साहमा अझ उर्जा भर्नेछ,’ हाम्रो पात्रोका व्यवस्थापकीय निर्देशक सन्तोष कुमार देवकोटाले भने, ‘ यो एप्स हामीले थप वृहत्त, थप रोचक बनाउने प्रयास गरेका छौं।’
फुटबल प्रेमीहरूले खेलका दौरान तथा आगामी खेलहरूबारे खोज्ने मुख्यतः सामाग्रीहरू जस्तैः खेल तालिका, देशहरू, टाइमलाइन, तत्काल हुने खेलका ताजा अपडेट तथा रिमाण्डरलाई एप्समा राखेको देवकोटाले बताए।
-1746009348.jpg)
