रसियामा विश्वकप फुटबलको दौरान हुटिङका लागि बाजाको रुपमा काठको चम्चा प्रयोग हुने भएको छ। रसियाले मैदानमा जाने फुटबल समर्थकलाई लक्षित गर्दै ठूलो परिणाममा काठको चम्चा उत्पादन गरेको हो।
यो बाजाबाट आवाज निकाल्न दुई चम्चालाई दुई तर्फ फर्काएर हातमा ठटाइन्छ। यो मौलिक बाजा रसियाको लोक सङ्गितमा समेत प्रयोग हुदैँ आएको छ। रसियाले विश्वकपको आधिकारिक बाजाको रुपमा काठका चम्चालाई मान्यता दिएको छ।
यसअघि दक्षिण अफ्रिकमा भएको विश्वकपमा प्लास्टिकको भुभुजेला प्रयोग भएको थियो। यद्यपी भुभुजेला जस्तो काठको चम्चा झर्कोलाग्दो भने हुनेछैन। यो बाजालाई रसियामा ‘लोजकास’ भनिन्छ।