इयागो अस्पासले खेलको अन्तिम समयमा गोल गरेपछि विश्वकप अघिको अन्तिम मैत्रीपूर्ण खेलमा स्पेनले ट्यूनिशियालाई १-० ले हराएको छ।
सन् २०१० को विश्व च्याम्पियन स्पेन पछल्लो २० खेलमा अपराजित हुँदै आफूलाई बलियो दाबेदारको रूपमा लिएको छ।
आइतबार राति भएको खेलको ८४औं मिनेटमा इयागोले गोल गरेपछि ट्यूनिशियामाथि स्पेनले संघर्षपूर्ण जित निकालेको हो।
स्पेन अहिलेसम्म १४ पटक विश्वकपमा सहभागी भएको छ। सन् १९३४ मा पहिलो पटक विश्वकप खेलेको स्पेनले सन् २०१० मा उपाधि उचालेर विश्व फुटबलमा आफ्नो उत्कृष्टता सावित गरेको थियो।
आगामी असार १ गते युरोकप च्याम्पियन पोर्चुगलसँग खेल्दै स्पेनले विश्वकपको सुरूवात गर्नेछ। यस्तै समूह जी मा रहेको ट्यूनिशियाले इंग्ल्याण्डविरूद्ध खेल्दै रूस विश्वकपको सुरूवात गर्नेछ।
-1746009348.jpg)
