नवलपरासी पूर्व क्षेत्र नम्बर १ मा नेपाली कांग्रेसका उम्मेदवार शशांक कोइराला निर्वाचित भएका छन्।
कोइरालाले नेकपा एमालेका उम्मेदवार कृष्ण पौडेललाई २ हजार ८२ मतान्तरले पराजित गरेका छन्।
कोइरालाले २७ हजार १ सय २७ मत ल्याए भने एमालेका पौडेलले २५ हजार ४३ मत ल्याएका छन्।
राष्ट्रिय स्वतन्त्र पार्टीका राजन गौतमले २४ हजार ३ सय ५ मत ल्याएका छन्।
यो क्षेत्रमा २०४८ साल यता निरन्तर कांग्रेसले जित्दै आएको छ।
कोइराला यही क्षेत्रबाट चौथो पटक निर्वाचित भएका छन्।
