सुनसरी-१ मा राष्ट्रिय स्वतन्त्र पार्टीको अग्रता कायमै छ। घन्टी चुनाव चिन्हकी उम्मेदवार गोमा तामाङले अहिलेसम्म ४६५० मतसहित अग्रता कायम राख्दा जसपा नेता अशोक राई दोसेमा उक्लिएका छन्।
एमाले जसपा गठबन्धनका राई ४२३६ मत ल्याएर तामाङलाई पछ्याइरहेका छन्।
सत्ता गठबन्धनका माओवादी उम्मेदवार मुक्सामहाङ्ग सुब्बा ४१८३ मतसहित तेस्रोमा छन्।
एमालेका बागी बनेका मनोज कुमार मेयाङ्गबो ३४२६ र राप्रपाका अशोक कुमार राई २६१३ मत पाएको अवस्थामा छन्।
सुनसरी १ मा मत गणना जारी छ।
