इलाम क्षेत्र नम्बर २ मा नेकपा एमालेका उम्मेदवार सुवासचन्द्र नेम्वाङले मतान्तर बढाएका छन्।
पछिल्लो मतपरिणाम अनुसार नेम्वाङले १२ सय बढीको मतान्तर बनाएका छन्।
नेम्वाङले ९ हजार ९८३ मत ल्याउँदा नेपाली कांग्रेसका उम्मेदवार डम्बरबहादुर खड्काले ८ हजार ७२५ मत प्राप्त गरेका छन्।
यो क्षेत्रमा नेम्वाङ र खड्काबीच कडा टक्कर देखिएको छ। पछिल्लो मतपरिणाम अनुसार यी दुई प्रतिस्पर्धी अघि पछि हुँदै आएका छन्।
इलाम-२ मा यसअघिको निर्वाचनमा पनि एमालेका नेम्वाङ नै निर्वाचित भएका थिए। नेम्वाङ यो क्षेत्रमा २०५६ सालदेखि सांसद चुनिँदै आएका छन्।
