जुनिम गहतराजको निर्देशनमा फिल्म 'हे माया' बन्ने भएको छ।
आगामी जेठबाट फिल्मको छायांकन तयारी सहित यो फिल्मको निर्माण घोषणा गरिएको हो। फिल्ममा नाम चलेका कलाकारहरूको नै अभिनय रहने जानकारी उनले दिएका छन्।
फिल्मका लागि अहिलेसम्म धेरै कलाकारसँग मौखिक सहमती भइसकेपनि लिखित सम्झौता हुन बाँकी रहेकाले केही समयपछि सार्वजनिक गर्ने तयारी भइरहेको उनले जानकारी दिए। निर्माता दीपक लम्साल लामो समयदेखि भारतको मुम्बईमा बसेर बलिउड र दक्षिण भारतीय फिल्मको नेपाल रिलिजको चाँजोपाजो मिलाउँदै आइरहेका छन्। उनले बलिउड फिल्म नेपाल रिलिजमा लामो समय काम गरेपछि पहिलो पटक नेपाली फिल्म निर्माणमा हात हाल्न लागेका हुन्।
रियल इन्टरटेनमेन्ट प्रालीको ब्यानरमा निर्माण हुने फिल्ममा दीपक लम्सालको लगानी रहनेछ। 'ताण्डवम्' मा जुनिमको निर्देशकिय क्षमता हेरेर नै आफ्नो सिनेमा निर्देशनमा जिम्मेवारी सुम्पेको निर्माता लम्सालले बताए।
फिल्मको पटकथा तथा संवाद चक्रपाणी सांखीले लेखिरहेका छन्। नेपाली नयाँ वर्ष सुरू भएसँगै फिल्मको कास्ट एण्ड क्रिउ सार्वजनिक गर्ने तयारी निर्माण टिमको छ।