गत शुक्रबारदेखि प्रदर्शनमा आएको फिल्म 'होस्टेल ३' को 'राजा रानी' बोलको गीत सार्वजनिक भएको छ।
सफलतापूर्वक प्रदर्शन गरिरहँदा शनिबार फिल्मको गीत सार्वजनिक गरिएको हो। किरण माइकलको संगीत रहेको यस गीतमा सुजाता पाण्डे, सशान कँडेल र किरण माइकलको स्वर रहेको छ भने वेला बोम्जन र सुधा मरहट्ठाको शब्द रचना रहेको छ। रोशन विश्वकर्माले कोरियोग्राफी गरेको गीतमा आश्मा विश्वकर्माको नृत्य छ भने भिडिओमा ‘होस्टेल ३’ का कलाकारहरू ‘कुलब्वाय’ पारस बम, रिहान गिरी, आशिष घिमिरे, पदम तामाङलगायत छन्।
सशान कँडेलले निर्देशन गरेको फिल्मको पटकथा तथा संवाद माधव शर्माले लेखेका हुन्। फिल्ममा पारस बम ठकुरी, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुली, आशिष पुरूष, रोहन श्रेष्ठ, उमर खान, सन्तोष बानियाँलगायत कलाकारको अभिनय छ।
फिल्मका निर्माता सुरेश कँडेल, कर्ण कार्की र गोविन्द अधिकारी हुन् भने सह-निर्मातामा शिशिर ज्ञवाली, अनीश सिग्देल, कुन्दन गुप्ता र गणेश मगर रहेका छन्। शंकर कोइराला कार्यकारी निर्माता हुन् भने कोसिस राज क्षेत्री लाइन प्रोड्युसर हुन्। अर्जुन तिवारीले छायांकन निर्देशन गरेको यस फिल्मको सम्पादन विकास दाहालले गरेका छन्।
