शुक्रबारदेखि प्रदर्शनमा आउन लागेको फिल्म 'होस्टेल ३' को हलहरूले अग्रिम टिकट बुकिङ खुलाएका छन्।
मल्टिप्लेक्स हलहरूले फिल्मको शो समय तय गर्दै बुकिङ खुलाएका हुन्। नयाँ कलाकारहरूको बाहुल्यता रहेको यो फिल्मलाई हलले उत्साहजनक शो दिएका छन्।
देशको सबभन्दा ठूलो मल्टिप्लेक्स चेन क्युएफएक्सले फिल्मलाई पहिलो दिनका लागि देशभर गरेर ६९ शो दिएको छ। क्युएफएक्सले काठमाडौंमा मात्रै २९ शो दिएको छ।
त्यस्तै, आईएनआई सिनेमाजले १६ शो दिएको छ। 'होस्टेल ३' लाई वान सिनेमाजले ९, बिग मुभिजले ५ शो दिएको छ।
अन्य हलले पनि उत्साहजनक शो दिएका छन्। टिकट बुकिङको अवस्था हेरेर शोमा केही थपघट भने हुनसक्छ।
सशान कँडेलको कथा तथा निर्देशन रहेको यो फिल्ममा पारस बम ठकुरी, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुली लगायतको शीर्ष अभिनय छ।
कलेज तथा होस्टेल जीवनकोे कथामा फिल्म बनेको हो। यो फिल्मको कथा माधव शर्माले लेखेका हुन् भने निर्माता सुरेश कँडेल, कर्ण कार्की, गोविन्द अधिकारी छन्।
