फिल्म 'कर्मा' को फर्स्टलुक पोस्टर सार्वजनिक भएको छ।
निर्माणपक्षले फिल्मका मुख्य कलाकारलाई फिचर्ड गर्दै दुईवटा पोस्टर सार्वजनिक गरेको हो। सार्वजनिक पोस्टरमा विपीन कार्की छन्। उनलाई ब्ल्याक जिन्स र फिट बडीमा देखाइएको छ। हातमा सर्ट गन बोकेका उनको लुक्सअनुसार उनी बदलाको भावमा छन्।
गेटअप, ड्रेसअप, फेसियल लुक्स र हातमा रहेका सर्ट गनले उनी एक्सन भूमिकामा रहेको प्रष्ट देखिन्छ। कलरसँग खेलिएको पोस्टरले पनि एक्सनको संकेत गर्छ।
पोस्टरमा रहेको स्लोगन 'ह्वाट गोज अराउन्ड, कम्स अराउन्ड' ले पनि बदलाको मुडमा मुख्य पात्र रहेको पुष्टि गर्छ। स्लोगनले 'कर्मा' सिचुएसनल एक्सन भएको सामान्य अनुमान लगाउन सकिन्छ।
यदि निर्माणपक्षले गरेको दाबी र पोस्टरले गरेको संकेतअनुसार फिल्म एक्सन जनराको हो भने यो जनरामा विपीन पहिलोपटक देखिनेछन्। यसले नै दर्शकमा रोमाञ्चकता थप्नेछ।
'कर्मा' लाई 'अगस्त्य' फेम्ड निर्देशक सौरभ चौधरीको निर्देशन गरिरहेका छन्।
'कर्मा' चैत २९ गते रिलिज हुनेछ। फिल्ममा विपीनसँगै उपासना सिंह ठकुरी, मुकुन भुसाल, दिव्यदेवलगायत कलाकारको अभिनय रहेको छ। एक्सन ड्रामा जनरामा निर्माण भइरहेको फिल्मको कथा निर्देशक चौधरी स्वयंले लेखेका छन्।
आर्टिस्टिक इनटरटेनमेन्टको प्रस्तुति रहने 'कर्मा' मा बसन्त लम्सालको लगानी रहनेछ। निर्देशक चौधरीको 'अगस्त्यः च्याप्टर १' ले दर्शक र समीक्षकको राम्रो प्रतिक्रिया पाएको थियो।
