‘को बन्छ करोडपति’ नेपालमा प्रदर्शन हुने भएको छ। ब्रिटेनको चर्चित टेलिभिजन शो ‘हु वान्ट्स टु वि ए मिलेनियर’ बाट लाइसेन्स प्राप्त गरेर उक्त कार्यक्रम एपी १ टेलिभिजनबाट प्रसारण हुने भएको हो।
एसारबीएन मिडियाको सहप्रायोजन रहने यो कार्यक्रमलाई नायक राजेश हमालले संचालन गर्ने छन्। कार्यक्रमको दर्ता खुलेपछि आइभिआर र एसएमएसद्वारा प्रतियोगी छानिने र तीमध्ये १० जना प्रतियोगी फस्टेस्ट फिंगरको लागि चुनिनेछन्। यसरी चुनिएका १० जना कार्यक्रममा सहभागी भएर हट सिटको लागि प्रतिष्पर्धा गर्नेछन्। तीमध्ये छिटो उत्तर मिलाउने एक जना हट सिटमा पुग्नेछन्।
कार्यक्रममा लाइफलाइन, अडियन्स पोल, फिप्टी फिप्टी लगायतका अप्सन हुनेछ। ‘को बन्छ करोडपति’ वैशाख १ गतेबाट प्रसारण हुनेछ।
