बलिउड नायिका प्रियंका चोपडा ‘मदर टेरेसा मेमोरियल अवार्ड’ले सम्मानित भएकी छन्। यूनिसेफको गुडविल एम्बेसडर रहेकी उनले सामाजिक न्याय कार्य गरेबापत उक्त सम्मान प्राप्त गरेकी हुन्।
शरणार्थी र विस्थापित व्यक्तिहरूको अधिकारको लागि लड्दै आएकी उनले उक्त अवार्ड प्राप्त गरेकी हुन्।
उनलाई ‘हार्मोनी फाउन्डेशन’ले अवार्ड लिनका लागि निमन्त्रण पठाएको थियो। तर, उनको अनुपस्थितिमा उनकी आमा मधु चोपडाले अवार्ड लिएकी छन्।
प्रियंका हाल अमेरिकामा छिन्।
