क्रिस्टियानो रोनाल्डोले ४१ मिनेटमा गोल गर्दै पहिलो हाफमा रियल म्याड्रिडको उद्दार गरेका छन्। रियल बेटिसविरुद्ध स्पेनिस ला लिगाअन्तर्गत आइतबार राती (नेपाली समयअनुसार सोमबार बिहान) भइरहेको खेलमा घरेलु टोली म्याड्रिडले सान्टियागो बेर्नाबेउमा दूर्भाग्यपूर्ण रुपमा आफ्नै पोस्टमा गोल गरेको थियो।
२५ मिनेटमा आन्टोनियो सानाब्रियाको क्रसलाई राम्रोसँग पढ्न नसक्दा म्याड्रिडका गोलरक्षक केलोर नाभासबाट आत्मघाती बन्न पुगेको थियो।
बार्सिलोना अघिल्लो खेलमा डेपोर्टिभो ला कोरुनासँग २–१ ले पराजित भएको अवस्थामा म्याड्रिडलाई आज शीर्षस्थानमा उक्लिने सूवर्ण अवसर छ। रोनाल्डोले मार्सेलोको क्रसमा उत्कृष्ट हेडिङ गोल गरे।
