गुठीचौर–२ नापानी गाउँका ३० वर्षीय युवकलाई आज आफ्ना मातापिताको ढुङ्गाले थिचेर हत्या गरेको अभियोग लगाइएको छ ।
अभियुक्त वीरबहादुर ऐडीले ४५ वर्षीय बाबु गोरखबहादुर र ५० वर्षीया आमा जयरुपीको हत्या गरेको भेटिएको प्रहरी नायब उपरीक्षक काफ्लेले बताए। घटनास्थल सदरमुकामबाट सात घन्टाको दूरीमा रहेकाले घटनाको विस्तृत विवरण आउन बाँकी रहेको प्रहरीले जनाएको छ।
प्रहरीले अभियुक्तलाई नियन्त्रणमा लिएको छ । छोराको मानसिक अवस्था ठीक नभएकाले आमाबाबुको हत्या गरेको हुनसक्ने प्रहरीले अनुमान गरेको छ ।
यसैबीच भेडा चराउन गएका विराट–२ गोठेलगाउँका २८ वर्षीय तिखे बुढाको रुखले च्यापिएर मृत्यु भएको छ । भेडालाई खुवाउने खर्सुको रुख काट्दै गर्दा रुख ढलेर उनलाई च्यापेको थियो । उनको घटनास्थलमै मृत्यु भएको उनका आफन्त सरिजुन बुढाले जानकारी दिए।
