नेपाली कांग्रेस र मधेसी मोर्चाले संविधान संशोधन विधेयकलाई विपक्षी एमालेको विरोधका बाबजुद पनि संसदमा प्रस्तुत गर्ने निर्णय गरेका छन्।
मोर्चा र कांग्रेसबीच आज बसेको बैठकले त्यस्तो निर्णय लिएको हो l
‘अवरोधको अवस्थामा पनि संशोधन प्रस्ताव पेश गर्नुपर्छ,’ कंग्रेस नेता गोपालमान श्रेष्ठले बैठक पछि भने, ‘संसोधन विधेयक जसरी पनि संसदमा प्रस्तुत गर्न कांग्रेस तयार छ l’
उक्त विधेयक विदेशीलाई खुसी पार्न संसदमा दर्ता भएको भन्दै एमालेले संसद अवरुद्ध गर्दै आएको छ।
उक्त विधेयक प्रस्तुत भएपछि मोर्चा चुनावमा जान तयार हुने नेताहरुले बताए।
फोरम गणतान्त्रिकका नेता राजकोशोर यादवका अनुसार विधेयकलाई सदनमा प्रस्तुत गर्न कांग्रेस नेताहरुले प्रतिबद्धता व्यक्त गरेका छन् l त्यसपछि मोर्चाले चुनावमा भाग लिने प्रतिबद्धता जनाउने छ l
