इजरायलमा भीषण आगलागी, ७० हजार भन्दा बढी मानिसलाई सुरक्षीत स्थानमा लगियो

इजरायलको हाइफामा भीषण आगलागी भएको छ। बुधबार बिहानको करिब ११ बजेदेखिबाट शुरु भएको आगलागी राति अबेरसम्म पनि नियन्त्रणमा आईसकेको छैन। दुई दिनबाट चलेको निरन्तर हावाहुरीले गर्दा आगो नियन्त्रणमा आउन नसकेको हो अन्तर्राष्ट्रिय सञ्चारमाध्यमहरूले जनाएका छन्।

आगो नियन्त्रण गर्न इजरायली अग्नि नियन्त्रकका साथै अन्य देशहरू, टर्की, जापान, इटाली, रुस लगाएतबाट फाएर फाइटर बिमानहरु निरन्तर आइरहेका छन् तर पनि नियन्त्रणमा ल्याउन सकेको छैन।

स्थानीय जंगलबाट सुरू भएको आगो बस्ती हुँदै लगभग उक्त हाइफा शहर आधा आगोले छोपिसकेको छ। करिब ७० हजार नागरिकलाई सरकारले सुरक्षित ठाउँमा स्थान्तरण गरेको छ। यद्यपी कुनै मानवीय क्षति नभएको समाचारमा जनाइएको छ।

हाइफाका अलावा इजरायलका अन्य १२/१३ ठाउँमा पनि आगलागी भएको छ, जताततै आगलागी भएकोले स्थानीय तथा बिदेशी कामदारहरु त्रासपूर्ण तवरले बस्नु परेको अवस्था छ।

के कति कारणले आगलागी भएको यकिन जानकारी नभए पनि अरबीहरुले लगाएको आशंकामा केही अरबीहरुलाई नियन्त्रणमा लिएर अनुसन्धान थालिएको समाचारमा जनाइएको छ।

प्रकाशित मिति: 2016-11-25 07:28:31

प्रतिक्रिया दिनुहोस्