फ्रान्सेली फुटबल म्यागजिनले बालोन डी’ओर २०१६ का लागि मनोनयनमा पर्ने खेलाडीको नाम सार्वजनिक गर्न सुरू गरेको छ।
फुटबल म्यागजिनले बालोन डी’ओरका लागि मनोनयनमा पर्ने ३० खेलाडी मध्ये पहिलो चरणमा पाँच जना खेलाडीको नाम सार्वजनिक भइसकेको छ।
पहिलो पाँच जनामा रियल मड्रिडका क्रिष्टियानो रोनाल्डो र ग्यारेथ बेल छन्। यस्तै म्यानचेस्टर सिटीका सर्जियो अग्युरो, युभेन्टसका जियानलुइजी बुफोन र बोरुसिया डर्टमुण्डका पिएर एमरिक नाम मनोनयनमा परेको छ।
फ्रेन्च फुटबलले मनोनयनमा परेका बाँकी २५ खेलाडीको नाम क्रमशः सार्वजनिक गर्ने म्यागेजिनले जनाएको छ।
विश्व फुटबलको प्रशासकिय निकाय फिफासँगको सहकार्य टुटेपछि फिफा बालोन डि’ओरको सट्टा म्यागजिनले विश्वको वर्ष उत्कृष्ट खेलाडीलाई बालोन डि’ओर अवार्ड दिने निर्णय गरेको हो।
सोही अनुसार मनोनयनमा परेका खेलाडीको नाम सार्वजनिक गर्न थालेको हो।
