पार्किङमा रहेको कार, जिप, एम्बुलेन्स लगायतका सवारी साधन नक्कली साँचोले चलाएर अयन्त्र लगेर छाडिदिने एक जनालाई महानगरीय प्रहरी परिसर भक्तपुरले पक्राउ गरेको छ। भक्तपुर ८ सुकुलढोकाका २६ वर्षीय राजेन्द्र भक्त श्रेष्ठलाई पक्राउ गरिएको प्रहरी निरीक्षक प्रकाश विष्टले जानकारी दिए।
उनले गत असारदेखि अहिलेसम्म १० भन्दा बढी सवारी साधनको नक्कली साँचो बनाएर चलाई अन्यन्त्र लगेर सवारीधनीलाई दुख दिने गरेका थिए।
सरकारी कार्यालय, अस्पताल र संघ संस्थाको कार, जिप मिनिट्रक, एम्बुलेन्स, शव वाहन लगायतका सवारी साधनहरु नक्कली साँचोको प्रयोग गरी पार्किङ गरीएको स्थानबाट चलाई अन्यत्र लगी छाडीदिई सम्बन्धित सवारी धनीलाई अनावश्यक दुख र हैरानी दिदै आएपछि उनलाइ पक्राउ गरिएको बिष्टले बताए।
