उद्योग वाणिज्य संघ पोखराको अध्यक्षमा पहिलो पटक महिला अध्यक्षको उम्मेद्वारी परेको छ। आगामी कार्यकाल नेतृत्वका लागि अध्यक्षमा ६ जनाको आवेदन परेको छ। ५ जना पुरूष प्रतिष्पर्धिका बीच एक जना महिलाले पहिलो पटक अध्यक्ष पदमा आफ्नो उम्मेदवारी प्रस्तुत गरेकी हुन्।
संघमा ४ वर्ष उपसमिति, १० वर्ष कार्यसमितिमा बसेर उपमहासचिव समेत बनेकी हिरा भट्टराईले संघको ६२ वर्षको इतिहासमा महिला अध्यक्ष बनेर संघलाई समावेशी बनाउन कस्सिएकी हुन्।
‘संघ विशुद्ध उद्योगी व्यापारीहरुको साझा संस्था बनाउन कुनै पनि पक्षको पृष्ठपोषण नगरी आफू साझा उम्मेदवारको रुपमा अघि बढेकाले उद्योगी व्यापारीको साथ पाउनेमा आशा राख्छु,’ भट्टराईले भनिन्।
