गाब्रियल जेसस चम्किँदा ब्राजिलमा जारी रियो ओलम्पिकमा ब्राजिलले होन्डुरसविरुद्ध खेलको पहिलो हाफमै ३-० को नतिजा हात पारेको छ।
माराकाना रंगशालामा हाल भइरहेको ओलम्पिकको पहिलो सेमिफाइनल खेलमा ब्राजिलले पहिलो हाफमा ३-० को अग्रता लिँदा गार्बियलले २ गोल गरे।
गाब्रियलले खेलको २६ र ३५ मिनेटमा गोल गरे। दस मिनेट फरकमा उनका दुई गोल र कप्तान नेइमारको सुरुवाती अग्रतापछि ब्राजिलका समर्थक उत्साहित भएका छन्।
पहिलोपल्ट ओलम्पिकमा स्वर्ण जित्ने अभियानमा रहेको ब्राजिलका लागि कप्तान नेइमारले खेल सुरु भएको पहिलो मिनेटमै गोल गरेका थिए। खेलको दोस्रो हाफ सुरु भएको छ।
आजै सेमिफाइनलको अर्को भिडन्तमा जर्मनीले नाइजेरियासँग खेल्दैछ।
