प्रहरी महानिरीक्षक उपेन्द्रकान्त अर्यालले मुलुकमा सुरक्षा चुनौती बढेको भन्दै तयार हुन मातहतका निकायलाई निर्देशन दिएका छन् ।
प्रहरी हेडक्वाटरमा एसएसपीमा बढुवा भएकाहरुलाई दज्र्यानी चिन्ह प्रदान गर्दै अर्यालले मुलुकको सुरक्षा व्यवस्थापन गर्न शारिरिक तथा मानसिक रुपमा तयार निर्देशन दिए। उनले संगठनलाई मजबुत बनाउन र अगाडि बढाउन ऐक्यबद्धताको आवश्यकता पर्ने बताए।
व्यवसायीक दक्षतालाई निखारेर क्षमता र सम्भावनालाई पहिचान गरी व्यक्तित्व विकास गरेमा शिखरमा पुग्न सकिने अर्यालको भनाई थियो । दज्र्यानी चिन्हबाट शुसोभित हुनेमा प्रहरी वरिष्ठ उपरीक्षकहरु ठाकुर प्रसाद ज्ञवाली, तारिणी प्रसाद लम्साल, विक्रम गुरुङ र सुर्य प्रसाद उपाध्याय रहेका छन् ।
बढुवा भएकामध्ये प्रहरी वरिष्ठ उपरीक्षक हरिभक्त प्रजापति हाल हाईटी मिसनमा कार्यरत छन् । कार्यक्रममा प्रहरी वरिष्ठ उपरीक्षक ठाकुर प्रसाद ज्ञवालीले पदोन्नतीसंगै थपिएका चुनौतिहरु सांगठनिक निर्देशन र आफू मातहतमा प्रहरी कर्मचारीहरुसँग सहकार्य गर्दै पूरा गर्ने प्रतिबद्धता व्यक्त गरे ।
