माछा पोखरीमा डुवेर झापामा शनिबार बिहान एक जनाको मृत्यु भएको छ। इलाका प्रहरी कार्यलय बिर्तामोडका प्रहरी निरीक्षक जनार्दन घिमिरेका अनुसार गरामुनि २ का ३४ वर्षीय लुखिराम सोरेनको माछा पोखरीमा डुवेर मृत्यु भएको हो।
उनी स्थानिय चन्द्र बहादुर लिम्बुको माछा पोखरीमा डुवेको प्रहरीले जनाएको छ ।
साउने संक्रान्ती पूजा गर्न उक्त पोखरीको डिलमा सोरेन परिवारका सवै सदस्य गएका थिए। पूजा सकेर पोखरीमा पौडी खेल्न पसेका सोरेनको सोही पोखरीमा डुवेर मृत्यु भएको ईलाका प्रहरी कार्यलय बिर्तामोडले जनाएको छ। मृतक सोरेन यसअघि पनि उक्त पोखरीमा पौडी खेल्ने गरेको स्थानीयले बताएका छन्।
पौडी खेल्ने क्रममा निकै बेर बाहिर ननिस्केपछि छिमेकीले उद्वार गरी बाहिर ल्याउने क्रममा निजको मृत्यु भएको हो।
