पौडी खेल्ने क्रममा हर्पन खोलामा डुबेर एक बालकको मृत्यु भएको छ। भदौरे तामागी ५ नौ विसेका गोपाल भण्डारीका ७ वर्षिय छोरा रोशन भण्डारीको पौडी खेल्ने क्रममा मृत्यु भएको हो।
शनिबार दिउँसो ३ बजे तिर हर्पन खोलाको पौडी खेल्न गएका दुई जना मध्ये भण्डारी खोलामा डुबेका थिए। डुबेको थाहा पाएपछि स्थानीयले खोलाबाट निकालेर मेडिकलमा उपचारका लागि लगेका सिद्धबराहा उच्चमाविका शिक्षक ध्रुब भण्डारीले जानकारी दिए।
उपचारका लागि पोखरा ल्याए पनि उनको भण्डारीको मृत्यु भई सकेको आफन्तले जानकारी दिए । गोपाल भण्डारीको घर अघिल्लो वर्ष बाढीले बगायो, व्लक उद्योग पनि बाढीले लग्यो यस वर्ष फेरि खोलाले छोरा लग्यो शिक्षक भण्डारीले भने उनलाई दुःख माथि दुःख थपिएको छ ।
