सरकारले फिर्ता बाेलाएपछि भारतका लागि नेपाली राजदूत दीपकुमार उपाध्याय आज काठमाडाैं अाउँदै छन्। त्यहाँ रहँदा राजदूत उपाध्यायको भूमिकाप्रति असन्तुष्टी जनाउँदै सरकारले स्वदेश फर्किन निर्देशन दिएको थियो।
आज बिहान ११ बजे नेपाल एयरलाइन्सको विमानबाट उनी नेपाल अाउन लागेका हुन्। काँग्रेसका पूर्व केन्द्रीय सदस्य तथा पुर्वमन्त्रीसमेत रहेका उपाध्यायलाई पूर्व प्रधानमन्त्री सुशील कोइराला नेतृत्वको सरकारले भारतका लागि नेपाली राजदूतमा नियुक्त गरेको थियो।
पन्ध्र दिनभित्र स्वदेश फिर्ताका लागि सरकारले गत सोमबार राजदूत उपाध्यायलाई पत्र पठाएको थियो । पत्र पाएको एक साता पनि नबित्दै उपाध्याय स्वदेश फर्किन लागेका हुन्। नेपाल फर्कनुअघि उनलाइ दूतावासका कर्मचारीहरुले विदाइ गरेका थिए।
