इन्डियन आयल कर्पोरेसन(आइओसी)ले बुधबारदेखि नेपालको माग अनुसार इन्धन दिन थालेको छ। नेपाल आयल निगमले बुधबार ५ अर्ब ८२ करोड रुपैयाँ बुझाएपछि माग अनुसार तेल दिन थालेको खबर आजको नागरिकमा छापिएको छ।
निगमको स्टक तेल बिक्री गरेर आएको रकम मंगलबार र बुधबार पठाएको थियो। तैपनि बख्यौता पुरै चुक्ता भएको छैन। निगमले आइओसीलाई पाँच अर्ब तिर्न बाँकी छ।
'आइओसीले हामीलाई बुधबारदेखि रक्सौल डिपोबाट २४ सय किलोलिटर तेल दिन थालेको छ। त्यहाँबाट दैनिक त्यहीँ अनुपातमा तेल आउँछ,'निगम प्रवक्ता मुकुन्दकुमार घिमरेले भने,'त्यसैले बिहीबार हामीले थानकोट डिपो खोलेर तेल दियौ।'
