सबै १८ यात्रुको शव फेला पर्‍यो,चार जनाको शव चिन्न सकिने अवस्थामा

  • Get News Alerts

बिहान ६ बजे हिउँ खेल्ने क्रममा स्थानीय युवाले विमान पत्ता लगाए

आइतवार दिउँसो १ बजेदेखि बेपत्ता नेपाल वायुसेवा निगमको ट्वीनअटर जहाज अर्घाखाँचीको ढिकुरा गाविसको मसिनेको जंगलमा क्षतविक्षत अवस्थामा फेला परेको छ। जहाजमा सवार सबै यात्रुको निधन भएको छ। 

घटनास्थलको वरपर गरी विमानमा सवार सबै १८ यात्रुको शव फेला परिसकेको छ। शवहरु क्षत विक्षत अवस्थामा छन्। शंकलन भएका शवमध्ये ४ जनाको शव केही चिनिने अवस्थामा छ। दुर्घटनास्थल समुन्द्र सतहदेखि करिब सात हजार फिट उचाईमा रहेको उद्दारमा रहेको नेपाली सेनाले जनाएको छ ।

मसिनेलेकको डाँडामा ठोकिएर जहाज दुर्घटना भएको अनुमान गरिएको छ । विमानका टुक्रा र मृतकको शवका टुक्रा २-३ सय मिटर वरपर छरपस्ट अवस्थामा भेटिएका छन् ।

मसिनेलेकमा रहेको टेलिफोन टावरको उत्तरपूर्व २ सय मिटर तल खोंचमा दुर्घटनाग्रस्त जहाज भेटिएको हो।

स्थानीय युवाहरुसँग बिहान हिउँ खेल्न जाने क्रममा करिब ६ बजे जहाजको सानो अवशेष फेला परेपछि खोजी गर्दै जांदा अन्य अवशेष पनि फेला पारेका हुन् ।

प्रतिकृया दिनुहोस

बिज्ञापन

3

थप समाचार

  • बेदकोटका जलचरको अस्तित्व सङ्कटमा

    बेदकोटका जलचरको अस्तित्व सङ्कटमा कञ्चनपुरको चुरेको फेदीमा रहेको ऐतिहासिक धार्मिक र पर्यटकीय दृष्टिकोणले महत्वपूर्ण बेदकोट तालमा रहेका जलचरको अस्तित्व सङ्कटमा पर्न थालेको छ । तालमा रहेका जलचरलाई अज्ञात व्यक्तिका समूहले धमाधम मार्न थाले पछि ताल जलचरविहीन हुने अवस्थामा पुग्न थालेका छन् । माछा, कछुवा र अजिङ्गर सर्पलगायतका जलचरलाई केही महिना अघिदेखि मार्ने क्रम सुरु भएको बेदकोटस्थित बुढा वैजनाथ मन्दिरका पुजारी जीतसिंह देउवाले बताए।

  • प्रधामन्त्रीलाई अमेरिकाको सर्वोच्च शिखरको ढुंगा उपहार

    प्रधामन्त्रीलाई अमेरिकाको  सर्वोच्च शिखरको ढुंगा उपहार कृतिमानी विश्व पर्वतारोही एवम् अल्ट्रा धावक संजय पण्डितले प्रधानमन्त्री शुशील कोइरालालाई अमेरिकी महादेशकै सर्वोच्च शिखर अर्जेन्टिनाको अकोन्कगुआ चुचुरोको ढुंगा साहसिक चिनोको रुपमा दिएका छन्। सात महादेशका सातै सर्वोच्च हिमाल आरोहणको सिलसिलामा गएका पण्डितको अब अन्तिम अन्टार्टीका महादेशको भिन्सन मशिफ रहेको छ।

  • किसान नेता भीमदत्तको सम्झना

    ‘कित जोत हलो, कि त पोत थलो, होइन भने अब छैन भलो’ भन्ने नाराका साथै सुदूरपश्चिमबाट किसान आन्दोलन गर्नुभएका किसान नेता भीमदत्त पन्तको आइतबार ६३औँ स्मृति दिवस विभिन्न कार्यक्रम गरी मनाइएको छ ।

  • ३९ उच्च मावि खारेज

    ३९ उच्च मावि खारेज उच्च माध्यमिक शिक्षा परिषद्ले देशभरिका ३९ वटा उच्च माविको अनुमति खारेज गरिदिएको छ। दुई वर्षभन्दा बढी समयदेखि उच्च मावि तहका कक्षा सञ्चालन नगरेका उच्च माविको सम्बन्धन खारेज गरिदिएको परिषद्ले जनाएको छ। उच्च माध्यामिक शिक्षा नियमावली २०५२ को नियम ७ र सम्बन्धनसम्बन्धी विनियम २०५५ को विनियम ६.१ बमोजिम उनीहरुको सम्बन्धन खारेज गरिएको परिषद्ले स्पष्ट पारेको छ।

  • ग्यास सिलिन्डर पड्केर एकको मृत्यु

    खाना पकाउने ग्यासको सिलिन्डर पड्केर सिरहा नगरपालिकामा गएराति एक महिलाको मृत्यु भएको छ । खाना पकाउने क्रममा अचानक ग्यास सिलिन्डर पड्केर शरीरमा आगो लाग्दा सिरहा नगरपालिका–७ माड्र निवासी पप्पु मुखियाको २० वर्षीया श्रीमती बबिता मुखियाको मृत्यु भएको हो ।

लोकप्रिय

सूचनापाटी