नयाँ शक्ति नेपालका संयोजक डा. बाबुराम भट्टराईले नयाँ शक्ति नेपालको अर्जुनदृष्टी आर्थिक विकासमा रहने बताएका छन्।
काठमाडौंमा आज आयोजित पार्टी घोषणा सभालाई सम्बोधन गर्दै भट्टराईले अहिलेको युगको मुख्य कार्यभार आर्थिक विकास भएको भन्दै नयाँ शक्तिले यो कार्यभारलाइ अगाडि बढाउने दाबी गरे l
अहिले सम्म जातीय पहिचानलाइ प्रमुख मुद्धा बनाउँदै आएका भट्टराईले अब आर्थिक विकासलाइ प्रमुख मुद्धा बनाएको घोषणा गरेका छन l
नेपालसँग पर्याप्त प्राकृतिक स्रोतसाधन र श्रमशक्ति भएको भन्दै यसलाई प्रयोग गरेर मुलुकलाई अगाडि बढाउने भिजन नयाँशक्तिसँग भएको उनले बताए।
नयाँ शक्ति नेपालले ७ वर्षमा गरिबी र बेरोजगारी हटाउने, १५ वर्षभित्र प्रतिव्यक्ति आय ७ स ३०य डलरबाट ७ हजार डलर पुर्याउने र २५ वर्षभित्रमा संसारकै सबैभन्दा सम्पन्न मुलुक बनाउने गरी आर्थिक विकासको खाका बनाउने बताए।
उनले अहिले राष्ट्रियता र लोकतान्त्रिक आन्दोलन सहायक कार्यभार भएको भन्दै नयाँ शक्ति आर्थिक विकासमै केन्द्रीत रहने बताए।
संयोजक भट्टराईले नेपाली जनताले आफ्नै पहलमा संविधान जारी गर्नु महत्वपूर्ण उपलब्धि भएको बताउँदै यसमा रहेका केही असन्तुष्टी संविधान संशोधन मार्फत् अगाडि बढ्नु पर्ने बताए। संविधान संशोधन गरी थारू, मधेशी, जनजाति तथा महिलाका मुद्धा सम्बोधन गर्नुपर्ने उनले धारणा राखे।
उनले नयाँ शक्ति नेपाल बामपन्थी वा उदारवादी केहि पनि नभएको दाबी गरे। उनले भने,'यी विचार २० औं शताब्दीका दर्शन हुन्। यी दुवै विचारको संयोजनमा नयाँ शक्ति त्यसैमा टेकेर अगाडि बढ्छ। नीजि पहललाई प्रोत्साहित गर्ने, बजारले पनि भूमिका खेल्ने र राज्यले समन्वय गर्ने व्यवस्थामा हामीले विश्वास गर्नुपर्छ।'
