कुलेखानी दोस्रो जलविद्युत् आयोजनामा आगलागी हुँदा २५ करोड भन्दा बढिको क्षती भएको छ। आयोजना कम्पाउन्डमा रहेका तीनवटा विद्युत ट्रान्फरमा मंगलबार राती करिब १२ बजे आगलागी भएको आयोजनाले जनाएको छ।
आगलागी भएसँगै कुलेखानी दोस्रोबाट उत्पादन हुने ३२ मेगावट विद्युत उत्पादन पनि अबरुद्ध भएको छ। सो आयोजनाबाट उत्पादित बिजुली काठमाडौँको केन्द्रीय विद्युत् प्रसारणलाइनमा जोडिने गरेको छ।
स्थानीय बासिन्दा, नेपाली सेना, प्रहरी, चितवन, वीरगन्ज र हेटौँडाका दमकलले करिब दुई घण्टापछि आगो नियन्त्रणमा लिएको प्रहरीले जनाएको छ।
