भर्खरै किनिएको एयर-वसको विमानबाट नेपाल वायु सेवा निगमले बुधबार गर्ने भनिएको भारतको दिल्लीको उडान यात्रुहरु एयरपोर्टमा आईसकेपछि अन्तिम समयमा रद्ध गरिएको छ।
भारतबाट उड्डयन स्वीकृति आई नसकेकोले अन्तिम समयमा आएर उडान रद्द गर्नु परेको निगम स्रोतले बतायो।
"हामीले आवश्यक पहल पहिलेदेखि नै गरेका थियौं, हिजोसम्म पनि आशावादी थियौं। तर, कागजात नपुगेको भन्दै अन्तिम समयमा भारतले स्वीकृति दिएन,’ निगमका एक अधिकारीले भने।
निगमले आफ्नै चरम लापरवाहीका कारण दिल्लीको पहिलो उडानमानै ठूलो झटका ब्योहोरेको छ। नयाँ जहाज आएपछि निगमको उडान अन्तिम समयमा आएर रद्द हुने क्रम रोकिने विश्वास गरेका यात्रुहरुले बुधबार बिहानै एयरपोर्टमै आक्रोश पोखे।
उडान स्वीकृतिनै नलिकन हामीलाई टिकट बेच्ने भन्दै केहि यात्रुले निगम पधकारिलाई र्याखर्याख्ती पारेका थिए।
कतिपय यात्रुलाई अन्य कम्पनीका बिमानबाट भारत उडाउने व्यवस्था गरेपनि सिट अभावका कारण सबैलाई निगमले आुधबारै दिल्ली उड्ने व्यवस्था गर्न नसक्ने देखिएको छ।
यसरी आज उडाउन नसकिएका यात्रुहरुलाई भोलिसम्म ५-तारे होटलमा राखेर थुम्थुम्याउने प्रयास निगम पधाधिकारिले गर्दैछन्।
निगमले माघ २५ गते मात्रै अर्बौ रुपयाँको लगानीमा युरोपको एयरबस कम्पनी सँग १६४-सिट क्षमताको जहाज किनेको थियो। यो समेत निगमसँग अब तीनओटा ठुला जहाज छन्।
यो पनि हेर्नुहोस्
