२५ वर्षपछि अन्तर्राष्ट्रिय उडानका लागि नेपाल वायुसेवा निगमलाई नयाँ जहाज

२५ वर्षपछि अन्तर्राष्ट्रिय उडानका लागि नेपाल वायुसेवा निगमलाई नयाँ जहाजतस्विरहरूसहित

प्रकाश लामा

२५ वर्षपछि राष्ट्रिय ध्वजावाहक नेपाल वायुसेवा निगमले अन्तर्राष्ट्रिय उडानका लागि नयाँ जहाज ल्याएको छ। फ्रान्सेली जहाज निर्माता कम्पनी एयरबससँग खरिद गरेको ए ३२०–२०० सिरिजको जहाज आइतबार त्रिभुवन अन्तर्राष्ट्रिय विमानस्थलमा उत्रिएको हो।

जहाजको नाम सगरमाथा राखिएको छ । नयाँ जहाज अवतरण भएको दुई महिनापछि दोस्रो जहाज पनि आइपुग्ने छ। यसको नाम चाहिँ लुम्बिनी रहने निगमले जनाएको छ।

निगमले ल्याउने जहाजमा १ सय ५० सिट हुन्छन् । निगमले भने यसमा सिट बढाएर १ सय ६४ बनाएको छ । हाल निगमको दुईवटा जहाज काठमाण्डूबाट दोहा, हङकङ, बैंकक र क्वालालम्पुरको उडान गरिरहेको छ।

प्रकाशित मिति: 2015-02-08 16:57:13

प्रतिक्रिया दिनुहोस्