नेपालमा विदेशी कामदारले स्वयं उपस्थित भएर अन्तर्वार्ता दिएपछि मात्र श्रम स्वीकृति पाउने भएका छन् ।
गैरकुटनीतिक क्षेत्रमा कार्यरत विदेशीबाट राष्ट्रहितविपरित काम भएको पाइएपछि सरकारले श्रम ऐनअन्र्तगत श्रम विभागको अन्तर्वार्ता अनिवार्य पास गर्नुपर्ने नयाँ व्यवस्था लागू गरेको आजको नागरिक दैनिकमा खबर छ ।
श्रम विभागका अनुसार श्रम स्वीकृति नलिई काम गरिरहेका गैर कुटनीतिक क्षेत्रका विदेशीलाई पनि यो नियम लगाइनेछ । श्रम स्वीकृति नलिइ नेपालमा काम गरिरहेको पाइए कारबाही गरिने विभागले जनाएको छ ।
