बहुमूल्य धातु सुनचाँदीको खरिद बिक्रीमा कालोबजारीको आरोप लागिरहेका बेला चितवनका व्यवसायीले बहादुरीका साथ ८५ प्रतिशत सुन कालोबजारबाट भित्रिएको भन्दै राज्यलाई चेतावनी दिए, ‘सक्छौ भने अनुसन्धान गरी कारबाही चलाउ ।’
नारायणगढमा पत्रकार सम्मेलन नै गरेर उनीहरुले ‘राज्यले नै सुनमा कोटा प्रणाली लादेका कारण आफूहरु कालोबाजरबाट सुन किन्न बाध्य भएको बताए । ‘सरकारले कोटा सिस्टम लादेर सुन कम दियो,’ सुनचाँदी व्यवसायी महासंघका केन्द्रीय अध्यक्ष अर्जुन रसाइलीले भने, ‘अभाव भएपछि कालोबजारी बढ्नु स्वाभाविकै हो ।’ उनीहरुले प्रशासन कार्यालय पुगेर सरकारलाई ज्ञापनपत्रसमेत बुझाएको कारोबार दैनिकमा खबर छ ।