करिब ५० लाखको जग्गा करिब ३ करोडमा खरिद गरेको विषयमा प्रहरीभित्र छानबिन सुरु भएको छ । अञ्चल प्रहरी कार्यालय बाग्मतीका लागि काभ्रेको भैसेपाटीमा जग्गा किन्दा दुई करोड भन्दा बढि रककम भष्टाचार भएको खबर आजको नयाँ पत्रिका दैनिकमा छ ।
भ्रष्टाचार सम्बन्धमा प्रहरी प्रधान कार्यालय र अख्तियार दुरुपयोग अनुसन्धान अयोगले अनुसन्धान अघि बढाएको छ । सो जग्गा प्रहरी कार्यालयका लागि उपयुक्त सेमेत नहुने भन्दै अर्को जग्गा हेर्न थालिएको छ ।
स्रोतका अनुसार अञ्चल प्रहरी कार्यालयका तात्कालीन प्रमुख एयएयसपी प्रेमबहादुर चन्द , काभ्रेका जिल्ला प्रहरी प्रमुख एयसपी रविन्द्र धानुक तथा उच्च प्रहरी अधिकारीको समेत मिलेमतोमा सो जग्गा खरिदमा २ करोड भन्दा बढिको हिनामिना भएको हो ।
जग्गाधनीसँग मिली मह्ङ्गोमा खरिद गरिएको मिलाएर मोटो रकम प्रहरी अधिकारीले बाढेको आरोप छ । २०६७ मा जग्गा खरिद गर्दा जिल्लाका प्रहरी प्रमुखदेखि तात्कालीन प्रहरी महानिरीक्षक रमेशचन्द ठकुरी समेतको मिलेमतो रहेको स्रोत बताउँछ ।
