एलपी ग्यास उद्योग संघका अध्यक्ष शिव प्रसाद घिमिरेले आफ्ना मागलाई सम्बोधन नगरे ग्यास उत्पादन र बिक्रि समेत ठप्प पार्ने चेतावनी दिएका छन्। राजधानीमा मंगलबार गरिएको अन्तर्क्रिया कार्यक्रममा बोल्दै यथास्थितिमा आफूहरुले आन्दोलनका कार्यक्रमहरु फिर्ता नलिने बताएका हुन्।
आफ्ना मागहरु जायज भएको भन्दै घिमिरेले आफ्ना मागलाई सम्बोधन नगरे ग्यास उत्पादन र बिक्रि समेत ठप्प पार्ने चेतावनी दिएका हुन्।
सरकारले वार्तालाई गम्भीर रूपले नलिएका कारण आफूहरु आन्दोलनमा होमीन बाध्य भएको बताउदै उनले आफ्ना मागप्रति गम्भिर हुन सरकारलाई आग्रह गरेका थिए। व्यवसायीहरु समस्यामा परेको उल्लेख गर्दै उनले आयल निगमले एलपी ग्यासमा धेरै नाफा लिएको तर व्यबसायीलाई अत्यन्तै थोरै शुल्क नाफामा ग्यास बिक्री गर्न वाध्य पार्न खोजेको आरोप लगाउँदै यथास्थितिमा आन्दोलन फिर्ता नहुने उल्लेख गरे।
यसैबीच वाणिज्य विभागका प्रमुख नारायण प्रसाद विडारीले उपभोक्तालाई मारमा पार्नेगरी आन्दोलनमा उत्रिले एलपी ग्यास उद्योग संघमाथि कारबाही गर्ने चेतावनी दिएका छन्।
एलपी ग्यास उद्योग संघले विभिन्न १६ बुँदे माग राखेर आन्दोलन थालीरहेका बेला विडारीले कानूनको प्रयोग गरेर बजारमा ग्यास सटेज गराउने उद्योेगी र व्यपारीमाथि कारबाही हुने बताएका हुन्।
अनाबश्यक माग अघि सारेर एलपी ग्यास उद्योग संघले आन्दोलनका कार्यक्रमहरु अघि सारेको भन्दै उनले उपभोक्तामाथि खेलबाड गर्ने छुट कसैलाई नभएको बताए। ग्यास अत्यन्तै सम्बेदनशिल र आबश्यक बस्तु भएको बताउँदै उनले ग्यास बिक्रिमा अबरोध गरे विक्रेतामाथि पनि कानूनि कारबाही गर्ने चेतावनी दिएका हुन्।
कार्यक्रममा बोल्दै एलपी ग्यास उद्योग संघका अध्यक्ष शिव प्रसाद घिमिरेले यथास्थितिमा आफूहरुले आन्दोलनका कार्यक्रमहरु फिर्ता नलिने बताएका छन्।
आफ्ना मागहरु जायज भएको भन्दै घिमिरेले आफ्ना मागलाई सम्बोधन नगरे ग्यास उत्पादन र बिक्रि समेत ठप्प पार्ने चेतावनी दिएका हुन्।
सरकारले वार्तालाई गम्भीर रूपले नलिएका कारण आफूहरु आन्दोलनमा होमीन बाध्य भएको बताउदै उनले आफ्ना मागप्रति गम्भिर हुन सरकारलाई आग्रह गरेका थिए। व्यवसायीहरु समस्यामा परेको उल्लेख गर्दै उनले आयल निगमले एलपी ग्यासमा धेरै नाफा लिएको तर व्यबसायीलाई अत्यन्तै थोरै शुल्क नाफामा ग्यास बिक्री गर्न वाध्य पार्न खोजेको आरोप लगाउँदै यथास्थितिमा आन्दोलन फिर्ता नहुने उल्लेख गरे।
थयास्थितिमा आगामी असार १ गतेदेखि दुई रंगको सिलिण्डर बजारमा ल्याउन पनि उद्योगीले नसक्ने बताउँदै उनले माग पूरा भएपछि मात्रै आफूहरु निलो रंगको सिलिण्डर तयारीमा लाग्ने उल्लेख गरे।
तथापि, काम सूरु गरेको एकसातामै काम सम्पन्न गर्न आफूहरु सक्षम रहेको उनको दाबी थियो।
कार्यक्रममा नेपाल आयल निगमका कार्यकारी प्रमुख सुरेश अग्रवालले व्यवसायीका माग पुरै सम्बोधन गर्न सक्ने अबस्थामा निगम नरहेको बताए। उनले आन्दोलनमा उत्रिएको एलपी ग्यास उद्योग संघलाई आन्दोलन फिर्ता लिएर बार्ताबाट समस्याको हल गर्न आव्हान गरेका थिए।
कार्यक्रममा ग्यास बिक्रेता महासंघका बरिष्ठ उपाध्यक्ष ओमकार केसी र ग्यास बिक्रेता संघ काठमाडौंका अध्यक्ष चन्द्र थापाले ग्यास बिक्रि गर्नेहरु सबैभन्दा बढी मारमा परेको उल्लेख गर्दै ग्यास बिक्रिबाट आयल निगमले एकलौटी ढंगले नाफा लिएको र व्यबसायीलाई थोरै पनि कमिसन दिन हिच्किचाएका कारण ग्यास उद्योग संघको मागलाई आफूहरुले पनि समर्थन गरेको बताए। उनीहरुले माग सम्बोधन नभए आफूहरु ग्यास विक्रि गर्न नसक्ने अबस्थामा रहेको समेत उल्लेख गरे।
