नेपाल प्रहरी क्लब स्ट्याग ग्लोबल च्याम्पियन्स टेबलटेनिस लिग– सिजन २ को दोश्रो दिन मंगलबारको राउन्ड रोविन लिगको खेल सकिँदा शीर्ष स्थानमा उक्लिएको छ।
साविक उपविजेता प्रहरीको ३२ अंक छ ।
स्ट्याग च्याम्पियन्स टेबलटेनिस एकेडेमीको आयोजनामा भइरहेको प्रतियोगितामा आयोजक स्ट्याग ३१ अंकसाथ दोश्रो, यल
टेबलटेनिस २७ अंकसाथ तेश्रो र रेड टाइल्स १८ अंकसाथ चौथो स्थानमा छन् ।
लैनचौरस्थित राष्ट्रिय टेबलटेनिस प्रशिक्षण केन्द्रमा जारी प्रतियोगितामा होप्स टेबलटेनिस एकेडेमी तथा नेपाल एपीएफ क्लबको समान १५–१५ अंक छ । ७ टिम सहभागी प्रतियोगितामा ज्ञानभैरव डिल्लीबजार टेबलटेनिस क्लब ८ अंकसहित पुछारमा छ ।
