नेपाली राष्ट्रिय बास्केटबल टिमका कप्तान सधिश प्रधानले भारतमा बास्केटबल लिग खेल्ने भएका छन्। सधिश राजस्थान बास्केटबल लिग खेल्न शुक्रबार त्यसतर्फ जाँदैछन्।
सधिशका अनुसार उनले खेल्ने टिमको टुंगो भने भारत गएपछि नै लाग्नेछ।
लिगमा भारतका राष्ट्रिय टिमका खेलाडीले पनि सहभागिता जनाउने भएकाले आफ्नो लागि महत्वपूर्ण अवसर भएको उनले बताए। लिगमा खेल्न आयोजकले पत्र पठाए पछि सधिशले बास्केटबल संघबाट स्विकृति लिएका थिए।
लिगको अथितिको रुपमा झापा बास्केटबल संघका अध्यक्ष प्रकास लिङ्देन पनि त्यसतर्फ जाँदैछन्। लिगमा ९ टिम रहने र चैत ९ गतेसम्म लिग चल्ने उनले बताए।
सधिशले दोस्रो पटक विदेशी प्रतियोगिता खेल्न लागेका हुन्। यसअघि उनले सन् २०१० मा बंगलादेशको बास्केटबल लिग खेलेका थिए।
सधिश नेतृत्वमा नेपालले गत वर्ष घरेलु भूमीमा आयोजना भएको १३औं सागमा कास्य पदक जितेको थियो।
