युएस ओपन टेनिस प्रतियोगितामा ६ पटककी च्याम्पियन सेरेना विलियम्स महिला एकलको अन्तिम १६ मा प्रवेश गरेकी छिन्।
सेरेनाले आइतबार विहान सकिएको खेलमा आफ्नै देशकी सालोनी स्टेफिन्सलाई २-१ को सेटमा पराजित गरिन्।
३८ वर्षीय सेनरेनाले पहिलो सेट ६-२ ले गुमाए पनि बाँकी सेटमा उत्कृष्ट खेल देखाइन्।
उनले दोस्रो सेट ६-२ ले जित्दा तेस्रो तथा निर्णायक सेट ६-२ ले नै जितेर अघिल्लो चरणम स्थान पक्का गरिन्।
२४औं ग्रान्डस्लाम जितेर कीर्तिमान बराबरी गर्ने अभियानमा रहेका सेरेनाले अब अन्तिम १६ मा ग्रिसकी १५औं वरीयताकी मारिया साकारीसँग प्रतिस्पर्धा गर्नेछिन्।
यसअघि साकारीले गत साता सेरेनालाई हराएकी थिइन्। साउदन ओपनमा उनले सेरेनालाई २-१ को सेटमा पराजित गरेकी थिइन्।
यता पुरुष एकलमा गत वर्षका उपविजेता ड्यानियल मेडभेदेव चौथो चरणमा पुगेका छन्। उनले अब चौथो चरणमा अमेरिकाका फ्रान्सिस टियाफोसँग खेल्नेछन्।
