वर्षको अन्तिम ग्रान्डस्ल्याम टेनिस प्रतियोगिता युएस ओपनमा विश्व नम्बर एक नोभाक जोकोविच पुरुष एकलमा चौथो चरणमा प्रवेश गरेका छन्।
जोकोविचले जान लेनार्ड स्टुर्फलाई सोझो सेटमा पराजित गर्दै चौथो चरणमा स्थान पक्का गरेका हुन्।
उनले ६-३, ६-३ र ६-१ ले पराजित गरेर अघिल्लो चरणमा स्थान बनाएका हुन्।
१८औं ग्रान्डस्ल्याम जित्ने अभियानमा रहेका जोकोविच २०२० मा अपराजित छन्।
अब उनले चौथो चरणमा स्पेनका २०औं वरीयताका पाब्लो कारेनो बुस्टासँग खेल्नेछन्।
यता महिला एकलमा जापानकी नाओमी ओसाका जित हात पारेर अघिल्लो चरणमा पुगेकी छिन्।
चौथो वरीयताकी २२ वर्षीया ओसाकाले मार्ता कोस्टयुलाई ६-३, ६-७ (४-७) र ६-२ ले पराजित गरेकी हुन्।
सन् २०१८ की युएस ओपन विजेता ओसाकाले अब चौथो चरणमा १४औं वरीयताकी एनेट कोन्टाभेटसँग प्रतिस्पर्धा गर्नेछिन्।
