पहिलो स्कोडा अन्तर बैंक फुटसल प्रतियोगिताको उपाधि हिमालयन बैंकले जितेको छ।
एक्टिभ स्पोर्ट्स कम्प्लेक्सको आयोजनामा भएको प्रतियोगिताको शनिबार भएको फाइनलमा ग्लोबल आइएमई बैंकलाई ३-० ले हराएर हिमालयनले उपाधि जितेको हो।
त्यसअघि शनिबार नै ढोलाहिटी पाटनस्थित कम्प्लेक्सको फुटसल मैदानमा भएको प्रतियोगिताको सेमिफाइनलमा ग्लोबलले मेघालाई ५-० र हिमालयनले सिभिललाई ३-२ ले हराएका थिए।
प्रतियोगिताको विजेता हिमालयनले १ लाख तथा उपविजेता ग्लोबलले ५० हजार रुपैयाँ प्राप्त गरेका छन्। यस्तै उत्कृष्ट खेलाडी र उच्च गोलकर्ता बनेका आचल खत्रीले कम्प्लेक्सको पौडी सदस्यता पाएका छन्।
